LEIKLISTARNÁMSKEIÐIN
Leynileikhúsið starfrækir leiklistarnámskeið víðsvegar á höfuðborgarsvæðinu á Íslandi fyrir krakka á grunnskólaaldri.
Á námskeiðunum læra krakkarnir að leika, búa til persónur og spinna leikrit. Það mjög mikið spunnið á námskeiðinu.
Þegar leikarar spinna leika þeir allskonar sem þeir voru ekki búnir að ákveða fyrirfram
Leynileikararnir ákveða svo sjálfir hvað þeir leika í lokasýningunni sem er búin til í kringum persónurnar sem leikararnir velja sér.
ÞAÐ MÁ LEIKA ALLT SEM leynileikurunum dettur í hug að leika
Námskeiðin fara fram á vorönn og haustönn í kennslurýmum inni í hverfunum eins og skólastofum í grunnskólum, félagsheimilum og félagsmiðstöðvum. Í lok námskeiðsins er lokasýning æfð og sýnd í alvöru leikhúsi þar sem leynileikararnir læra að umgangast leikhús, æfa á sviðinu í ljósum og búningum og fá förðun. Svo er leikhúsgestum boðið að koma og sjá og úr verður leikhúsveisla.
Leynileikari er leikari sem leikur í Leynileikhúsinu
Leynileikhúsið var stofnað í Reykjavík árið 2004.